Levantámonos o domingo pola mañá con ganas tolas de darlle aos pedais pero tiñamos unha hora e media de viaxe, o traxecto ata Lalín auguraba un sol de xustiza xa que atopabamos claros e tamén bancos de néboa. Unha vez en chegado ao “LALÍN AREAS” recollemos os dorsais e o chip , no meu caso o 65 de 89 participantes, e á saída un bo chocolate calentito para acougar ese frío de primeira hora, riquísimo. Ás 9:30 convócannos na saída, pero era unha saída neutralizada, leváronnos polo pobo ata a zona onde supostamente é o punto centro de Galicia onde darían a saída do roteiro. Unha vez arrincada o roteiro sácannos fóra de Lalín por asfalto ata os 3 ou 4 Kms, onde intuïamos que iamos pasar calor debida a que todo estaba despexado. Unha vez deixada a estrada asfaltada desvíannos por un camiño, víase que non iamos sufrir co barro, camiños secos ( Case, algunha trampa había) xa que aos 500 metros había unha charquita e a xente xa protestaba porque se ensuciaban as enaguas, je je je je, e esquivando polos laterais peraltados.
