CategoriesEventos by

O dhgteam arrasa no Campionato Galego

De novo boas novas para o clube DH . Galicia onde o fin de semana pasado se disputaba o campionato Galego no Bike Park de Manzaneda cunha participación de case 150 riders, dos cales 10 eran do DHGTEAM.

Na categoría Master 30 Iván Mourelo, cunha racha de tres vitorias seguidas, proclamouse campión galego cun tempo de 2:31,996. 

Por outra banda,  o podium de Adrián López (2:50,543) en Enduro, que destaca cunha gran proxección.

 

 

Consulta os tempos do Campionato Gallego 2022:

Clasificación Categorias

Clasificacións absolutas

CategoriesDH, Eventos by

Iván Mourelo mantén o liderato na Copa Galicia tras o gañar o DH Molinos

Este fin de semana disputouse no monte do Páramo o DH Molinos, segunda proba da Copa Galicia organizada polo club DH. Galicia. 

Gran representación do club organizador e moi bos resultados para os riders locales, cun primeiro posto absoluto para Iván Mourelo cun tempo de 03:22,234 seguido de Kevin Méndez con 03:23,024 e Zoe del Rio con 03:23,258.

 

 

Podium local tamén para o corredor David Gómez na categoría Enduro e para Jorge López en Sub23 ambos nunha 3ª posición no caixón e o esperado debut de Carlos Diaz cun merecido 2º posto na categoría Infantil.

Dende o club DH Galicia queremos agradecer a tódolos integrantes e voluntarios que participaron activamente durante a proba para que se levara a cabo e aos patrocinadores e comuneros do monte.

 

Tempos DH Molinos 22 (pdf. 1,58 MB)

CategoriesDH, Eventos by

DH Molinos `22 :: Ubicación – Paddock – Info

HORARIOS

Sábado

16:00 – Recollida dorsais

15:30 – 19:30 Adestramentos libres 15:30 – 19:30

 
Domingo
 

09:00 – 10:00: Recollida dorsais

08:30 – 10:30 Adestramentos oficiais

11:00 Manga clasificatoria

12:30 Manga final

 
PUNTO DE PARTIDA E CHEGADA
 

Alto da serra do Páramo (muiño vento nº4) meta no depósito de auga de torre.Recomendamos coller a saída nº24 onde pon (Sarria – Paradela) no corredor LU-633.

 

PADOCK

O paddock ubicarase na zona de partida do circuito no alto da serra do Páramo. Prégase encarecidamente non subir coches más que os que sexan estrictamente necesarios.

 

zona de saida e paddock
CategoriesEventos by

Montefaro Enduro Race ´22

Este fin de semana o DH. Galicia desprazouse a disputar o Montefaro Enduro Race os municipios de Mugardos e Ares, proba organizada por o C.C. Pulpeiros Mugardos. Un enduro técnico e físico a vez que divertido, co plus dun entorno paisaxistico digno de ver.

A proba puntuable na Copa de España de Enduro foi representada polo DHGTEAM por Adrian Fernández del Moral e Jorge Dans.

Agora descansar e coller forzas, para o próximo fin de semana que se disputará o DH Molinos en O Páramo. ¡Vémonos pronto!

CategoriesDH, Eventos by

Mourelo rompe o crono no II Manzaneda DHI

O pasado fin de semana o rider do DH Galicia Iván Mourelo finalizaba a 1ª carreira da tempada no II Trofeo Federación DHI Manzaneda cun 1º posto na categoría master 30 e 4º do scratch.

Bos resultados na primera proba de DH cunha representación do clube, na categoría sub23 Jorge López (4º), e debutando o cadete Javier Casanova (15º) e na categoría enduro Adrián López (5º) e boas novas para o dhgteam e para o rider Mourelo que tratará de manter o liderato na vindeira carreira que se disputará na casa no DH Molinos o 5 de xullo.

CategoriesEventos by

A primeira do ano: Sachoquedada en Santa Cristina

Dende o pasado venres e durante 4 días de traballo incesante, boa representación do clube DHGTEAM estivemos no monte de Santa Cristina en Sarria retomando as labores que se veñen facendo tódolos anos en diversas ocasións durante o mesmo.

Ata o monte achegáronse unha trintena de persoas para facer labores de limpeza, acondicionamento e a creación dun novo circuito que en breve presentaremos e xa está bautizado como Troski.

Rodos, palas, motoserras … todo un arsenal de traballo para dar cuidados ao monte na limpeza dos sendeiros acondicionando ata con tubos para evitar que a auga destroce os camiños.

Labores , nas que os máis cativos do club tiveron forte representación nesta primeira sachoquedada do ano, serven a parte de protexer o monte inculcar valores de traballo, compañeirismo e cuidado do entorno.

Cabe destacar a colaboración ,como membros máis do clube, de Sonia Cantalapiedra, X. Lois Gutiérrez Faílde e Miguel Cumbraos,  profesores do instituto Xograr Afonso Gómez de Sarria e os que dende o clube queremos agradecer a sua participación. 

CategoriesEventos by

A previa de O Gran Camiño

Os vindeiros 24, 25, 26 e 27 de Febreiro regresa a Galicia o ciclismo de máis alto nivel coa celebración de O Gran Camiño, unha volta que constará de catro etapas que terán lugar en cada unha das provincias da comunidade. Sen dúbida, unha boa nova para os galegos, 22 anos despois da última edición da Volta a Galicia de profesionais.

O desenlace da carreira terá lugar en Sarria, cunha CRI que será decisiva para os corredores que aspiren a rematar no máis alto da clasificación xeral, feito que fará que se acheguen un gran número de afeccionados a disfrutar dunha xornada espectacular de ciclismo, ademáis da visiblidade que terá a Vila ó ser televisada en numerosos países.

Recentemente, unha boa representación dos clubes DH Galicia e Cidade de Lugo acompañamos a Ezequiel Mosquera (organizador da proba e exciclista profesional) e a Efrén Castro (deputado provincial de deportes) para facer un recoñecemento do percorrido que ó mesmo tempo serviu para facer un video promocional da proba e botar unhas risas entre amigos.

Tiven a sorte de que o trazado escollido pola organización foi unha proposta miña.
Consta de 16km con partes que beneficiarán ós especialistas e zonas onde os escaladores podrán minimizar diferencias. Os primeiros 5km son completamente planos ata chegar a Ferreiros, onde comeza a parte máis técnica da etapa con un repeito corto, pero ca dureza suficiente para que teñan que soltarse dos acoples, seguido dunha baixada con algunha curva compliacada que os levará ata Loseiro, desde onde terán que afrontar outro repeito de dureza similar ó primeiro pero máis largo para chegar a Calvor. Dende este punto voarán durante 5km con tendencia favorable que coinciden coa entrada do Camiño de Santiago a Sarria, onde terán que facer un último esforzo nun espectacular final situado na Rúa Maior.

Seguro que un evento desta categoría fará que o 27 sexa un día de festa para todos os sarrianos.